2025 წლის 26 ივნისს საჯარო აუდიტის ინსტიტუტში საჯარო სექტორში აუდიტორული მომსახურების გაწევის უფლების მოპოვების მსურველ პირთა სასერტიფიკაციო გამოცდა ელექტრონული საგამოცდო სისტემის მეშვეობით ჩატარდა.  გამოცდაზე რეგისტრირებული 17 კანდიდატიდან, წინასწარი შედეგების მიხედვით, 4-მა პრეტენდენტმა დააგროვა საჯარო სექტორში აუდიტორული მომსახურების გაწევის უფლების მოპოვებისათვის საჭირო ქულათა მინიმალური რაოდენობა.

ასევე გაცნობებთ, რომ ინსტიტუტში საპრეტენზიო განაცხადი მიიღება 2025 წლის 30 ივნისსა და 1 ივლისს 10:00-დან 18:00 საათამდე (მისამართი: ქალაქი თბილისი, წმ. ქეთევან დედოფლის გამზ.№96; ელექტრონული ფოსტა: sai@sao.ge).