საჯარო აუდიტის ინსტიტუტი  პარლამენტის აპარატის თანამშრომლებისთვის საოფისე პროგრამის (Excel) სასწავლო კურსს ატარებს. 

სასწავლო კურსს  სახელმწიფო აუდიტის სამსახურის წამყვანი აუდიტორი გიორგი ხითარიშვილი უძღვება, რომელიც  საჯარო აუდიტის ინსტიტუტში Excel-ის საბაზისო და პროფესიონალურ ტრენინგებს, ასევე  PowerPoint-ისა და აუდიტის მართვის პროგრამის MKinsight-ის ტრენინგებს წარმართავს. 

პარლამენტის აპარატისა და  კომიტეტების აპარატების თანამშრომლები შეისწავლიან  Excel-ის ბაზების შექმნა-დამუშავებას, ფორმატირებას, მთავარ ფუნქციებსა და ფორმულებს, ასევე მათ გამოყენებას კომპლექსური ფინანსური და მენეჯერული პრობლემების გადასაჭრელად.

ტრენინგის მიმდინარე კურსი  16 სესიას მოიცავს.