საჯარო აუდიტის ინსტიტუტისა და სემეკის თანამშრომლობის ფარგლებში ინსტიტუტმა სემეკის გუნდისთვის ახალი ტრენინგი გამართა - „მეწარმეთა შესახებ“ საქართველოს კანონის ახალი რეგულაციები“. 

ტრენინგს იურიდიული დეპარტამენტისა და მომიჯნავე სექტორის 10-მდე თანამშრომელი დაესწრო. სამდღიანი ტრენინგის განმავლობაში მონაწილეებმა სამეწარმეო საზოგადოების მართვის საკითხები მოისმინეს. მათ შორის, კანონის ზოგადი მიმოხილვა; სადამფუძნებლო შეთანხმება და წესდება; სამეწარმეო საზოგადოების მართვის ორგანოები; სასამსახურო ხელშეკრულება; ლიკვიდაციის პროცედურები და სხვა.

ტრენინგს საჯარო რეესტრის ეროვნული სააგენტოს ბიზნესის რეგისტრაციის სამსახურის უფროსი ნინო მესხი უძღვებოდა.