გასული წლის განმავლობაში საჯარო აუდიტის ინსტიტუტის მიერ ორგანიზებულ სასწავლო ღონისძიებებსა და ტრენინგებში სულ მონაწილეობა მიიღო 1092-მა მსმენელმა – სახელმწიფო აუდიტის სამსახურის, მუნიციპალიტეტების, სამინისტროების, სხვა საბიუჯეტო ორგანიზაციების და კერძო კომპანიების წარმომადგენლებმა.

საჯარო სექტორში აუდიტორული მომსახურების სასერტიფიკაციო პროგრამის კურსის გაზაფხულის, ზაფხულისა და შემოდგომის სესიებს 52 მსმენელი დაესწრო. საჯარო სექტორის აუდიტორული მომსახურების გაწევის უფლების დამადასტურებელი სერტიფიკატი 32-მა პირმა მიიღო.

საერთო ჯამში, 2021 წელს, საჯარო აუდიტის ინსტიტუტმა ჩაატარა 38 ტრენინგი, მათ შორის საჯარო ფინანსების მართვის, აუდიტების წარმოების, საჯარო მოხელის პროფესიული განვითარების მიმართულებით.