საჯარო სექტორის აუდიტორის 5 წლიანი სერტიფიკატი კიდევ 15-მა პირმა მიიღო.

საჯარო აუდიტის ინსტიტუტის მიერ ორგანიზებული საჯარო სექტორის აუდიტორთა სერტიფიცირების პროგრამის სასწავლო კურსი სულ 29 პირმა გაიარა, მათგან 15-მა წარმატებით ჩააბარა გამოცდა. შესაბამისი სერტიფიკატი კურსდამთავრებულებს საჯარო აუდიტის ინსტიტუტის დირექტორმა დავით აზმაიფარაშვილმა გადასცა.

სამთვიანი პროგრამის ფარგლებში მსმენელებმა ეფექტიანობის, ფინანსური და შესაბამისობის აუდიტების საერთაშორისო სტანდარტები, საჯარო სექტორის ფინანსური აღრიცხვა-ანგარიშგების საკითხები და საბიუჯეტო კანონმდებლობა შეისწავლეს.

2018 წლის განმავლობაში საჯარო აუდიტის ინსტიტუტში სასერტიფიკაციო სწავლება  84-მა პირმა გაიარა და მათგან  40-მა  აიღო საჯარო სექტორის აუდიტორი სერტიფიკატი.

საჯარო სექტორის აუდიტორთა სერტიფიცირების მორიგი სამთვიანი კურსი 5 ოქტომბრიდან დაიწყება.

საჯარო სექტორის აუდიტორთა სერტიფიცირება სსიპ საჯარო აუდიტის ინსტიტუტის ექსკლუზიური უფლებაა.