საჯარო აუდიტის ინსტიტუტმა „საგადასახადო და აუდიტორული პროცესების მართვის“ ონლაინკურსი დაასრულა.

ამჯერად, ტრენინგი შემოსავლების სამსახურის, იუსტიციის სახლის, მცხეთის, ხაშურისა და სენაკის მუნიციპალიტეტების  მერიების 16-მა თანამშრომელმა გაიარა.  

ტრენინგკურსის მიზანია მსმენელებისთვის საგადასახადო და აუდიტორული საქმიანობების მიდგომების გაცნობა, რაც მათ დაეხმარება ქმედითი გეგმის შედგენაში, კანონმდებლობისა და საერთაშორისო სტანდარტების მოთხოვნათა შესრულებაში.

სასწავლო კურსი 10-12 ოქტომბერს დისტანციურ რეჟიმში გაიმართა. 

ტრენინგკურსს უძღვებოდა თამუნა ბერუაშვილი, რომელიც წლების განმავლობაში სახელმწიფო აუდიტის სამსახურის ეკონომიკური სფეროს აუდიტის დეპარტამენტის კვალიფიციური აუდიტორი იყო.